睿海御宴 (已結業)

📍大坑 睿海御宴📍再一次入嚟大坑，番兜呢間睿海御宴，中式私房菜，繼續係有驚喜的😋😋。🫶🏻螺頭豬展功夫湯見到人哋有得飲功夫茶，就好奇一問，點知原來係呢度嘅特色，功夫湯。好新奇，好有創意，第一次紫砂茶壺飲湯🫖！好處係除咗游水之外，仲好可以保溫。我分開幾次飲個湯，都仲係暖嘅！湯水好清甜，入邊亦都有湯料，好足料。🫶🏻柚子脆蝦球蝦球明顯係用新鮮嘅油炸，一啲都冇油抑味，亦都唔油膩。配柚子醬，酸酸甜甜好開胃。仲有柚子絲，感覺好清新。🫶🏻黑松露海王炒鮮奶裏面有蝦仁，同埋元貝，好足料，每一啖口感都好不同。仲有配埋合桃，將個口感層次更加提升，值得一試！🫶🏻自家製XO醬黃牛炒陳村粉第一次食炒陳村粉，配XO醬咁炒，好惹味！和牛肉好肥美，入口即溶，非常嫩滑！好正，又夠鑊氣！除咗食物好食，員工嘅服務態度好好，環境都坐得舒服，唔會好似中式茶樓咁嘈。😋😋