六合小館 (已結業)

聽朋友講黎六合要試下佢既粥，但今日實在係太肚餓，坐低就嗌左佢既自選三寶飯。三寶揀左雞翼、午餐肉、香腸。飯好快就黎到，望落都幾大份。豉油汁雞翼好入味，雞翼都好大隻，咬落去好多肉，又唔會太咸，配白飯食岩岩好。午餐肉好高質，煎得好香，皮有少少脆。唔係平時嗰種好淋既午餐肉，呢種係有啲咬口既。唯一唔好就係切得大薄，食幾啖就冇哂咁。香腸係平時食開既廚師腸，煎得都好香。呢款腸不嬲都偏咸，但食翻啖飯就會中和左咸味。飯加左少少甜豉油，更加好味。雖然午餐肉都香腸都唔係太健康，但食完真係大滿足，成碟飯都好香口，份量又夠。