天心 (已結業)

集合三大日本品牌、選用日本直送食材，主打拉麵、火鍋同氣甜品Runny Cheese。✨鮟鱇魚肝湯拉麵鮟鱇魚肝被稱為「海中鵝肝」，富有營養同蛋白質，係高級既食材。鮟鱇呈一粒粒橙色的係鮟鱇魚肝的結晶，非常鮮味，口感綿密細膩。配以爽脆三文魚籽，鮮味十足，一點不覺油膩。湯底以魚肉同蔬菜製成，鮮甜濃郁。採用既拉麵煙靭彈牙，有啲似粗版同彈牙版既蕎麥麵，喜歡呢個口感💗唔想浪費咁鮮甜既湯，可以加入日本米飯一齊食，將成碗食清光🤭✨激辛湯拉麵湯底係醬油湯底，可分成四種辣度，小/中/大/特辣，後兩者分別要+$10/$20。叫左小辣，夠惹味之餘唔會蓋過其他食材味道。配料有蛋同雞肉。拉麵跟另一碗有啲唔同，口感似薯粉，但一樣煙靭彈牙。✨和風菠菜卷餅皮包住滿滿嘅鮮甜菠菜，加上芝麻沙律醬，幾香口。✨羽二重芝士奶油夾心餅日本人氣甜品品牌。叫左粟子味，曲奇夾住煙靭麻糬、粟子、同香滑芝士，口感豐富。採用法國芝士，又濃又細滑。