阿四車仔麵 (已結業)

今次嚟到旺角諗住食車仔麵，就搵咗一間裝修好四正嘅車仔麵餐廳。我哋一行兩人，叫咗兩個車仔麵，四個小食，一樽奶茶同埋一支維他奶。車仔麵方面，我哋都係選擇咗叫油面因為食車仔麵就梗係要食油面啦。汁方面，我哋揀咗腩汁同埋沙嗲汁。個油面都幾好食，唔會話太過林，但係個醬汁方面就略嫌比得太少，但係原來可以叫店員追加醬汁，個汁先係個車仔麵嘅精華。小食方面，我哋叫咗四個炸物。南瓜薯餅炸燒賣日式吉列蠔炸唐揚雞塊個炸雞同南瓜薯餅都做得好出色，一啲都唔油膩，不過叫得太多炸嘢，就梗係要飲番杯野中和下。佢哋既樽裝奶茶相當好飲，好適合食咗咁多熱食炸物之後，飲返一啖去平衡下。