阿爺八鮮鍋 (已結業)

最近經常係屋企煮飯，好耐冇岀過街打邊爐啦，今晚有朋友生日，就去左好多人食過都讚既阿爺八鮮煱。.第一輪上嘅包括有花膠雞煲，雞嘅份量啱啱好，同埋雞既肉質非常嫩滑，小辣既品道味道已經好足夠。另外有刺身拼盤及海鮮拼盤，仲有一個是日燉湯。特別一提，老闆超窩心，燉湯嚟到時，佢叫我哋襯熱盡快飲，先唔好掛住影相，因為最重要係食到同飲到食物最新鮮岀爐嘅時候既質素。.廚師推介既有五款海鮮，佢哋全部海鮮都係即劏，確保新鮮，包括鮑魚，龍蝦，蟹仔，扇貝，中海蝦。.個人認為最出色係海中蝦，隻隻都係中size，完全唔會俾啲蛤蟆仔你食，平時喺街市買呢種海蝦都要二百幾蚊一斤，仲有要提下d花蟹仔，新鮮到自己跳左落地😂，認真，呢個價錢食到甘高質素簡直係物超所值，因為平時淨係食海鮮都已經唔止係三百幾蚊呢個價錢。.另外不得不提既有安格斯牛肉，入口即溶，品質非常高。.而我最想提到嘅就係佢嘅服務我哋食咗差不多兩個半小時。佢哋不斷咁幫我哋換碟，差不多一餐飯換左六七次，個人認為佢哋十分在乎客人食飯嘅舒適度，老闆亦都周不時會過嚟同你打招呼，問你地野食質素同想改善嘅地方。.PS. 如果你share佢嘅社交平台，餐廳都會有一份廚師推介特色小