影片
更多
2018-05-11
65 瀏覽
上次去銅鑼灣金朝陽中心2期Midtown 28樓既『Kuro Japanese Cuisine』食日本fusion菜，知道27樓係同一個集團，是食高級火鍋，餐廳名係『亞古鍋Ragout Hotpot』。上次已經話好想試下，今晚終於上左去27樓試下喇。同『Kuro Japanese Cuisine』一樣好開揚，以樓底高而且有落地大玻璃，空間感十足。同28樓一樣，設有露台位置比食客把酒談天，飽覽維港景色。 店員一早已經準備好9格調味架讓我們自行調教自己既調味料，自己喜歡重口味既就可以多加辣椒仔、炸蒜片等。 呢間火鍋店以優質湯底做主打，最矜貴既湯底莫過於「亞古鍋」招牌湯底$388，呢個招牌湯底有花膠、蟲草花、圓肉、螺頭等湯料，可以先飲湯，再打邊爐。既然黎到，當然要試下招牌湯底。 好驚喜，湯底連一大片鮮花膠一齊上，鮮花膠有一隻手掌般大，非常吸精。隨即店員係我地面前將鮮花膠剪好放入湯底裡，大廚先用上湯煮花膠至軟腍入味，我地只需要放入火鍋湯底輕涮一陣便可。經店員介紹，知道原來是用了20-22頭的南非花膠筒，再放入老雞、火腿、雞腳熬足六、七個小時，湯呈現奶白色，我地二話不說地連飲了兩大碗湯，好入味，
上次去銅鑼灣金朝陽中心2期Midtown 28樓既『Kuro Japanese Cuisine』食日本fusion菜，知道27樓係同一個集團，是食高級火鍋，餐廳名係『亞古鍋Ragout Hotpot』。上次已經話好想試下，今晚終於上左去27樓試下喇。
同『Kuro Japanese Cuisine』一樣好開揚，以樓底高而且有落地大玻璃，空間感十足。同28樓一樣，設有露台位置比食客把酒談天，飽覽維港景色。
店員一早已經準備好9格調味架讓我們自行調教自己既調味料，自己喜歡重口味既就可以多加辣椒仔、炸蒜片等。
呢間火鍋店以優質湯底做主打，最矜貴既湯底莫過於「亞古鍋」招牌湯底$388，呢個招牌湯底有花膠、蟲草花、圓肉、螺頭等湯料，可以先飲湯，再打邊爐。既然黎到，當然要試下招牌湯底。
好驚喜，湯底連一大片鮮花膠一齊上，鮮花膠有一隻手掌般大，非常吸精。隨即店員係我地面前將鮮花膠剪好放入湯底裡，大廚先用上湯煮花膠至軟腍入味，我地只需要放入火鍋湯底輕涮一陣便可。經店員介紹，知道原來是用了20-22頭的南非花膠筒，再放入老雞、火腿、雞腳熬足六、七個小時，湯呈現奶白色，我地二話不說地連飲了兩大碗湯，好入味，好香濃，膠質好豐富。
除左湯底外，知道呢度D牛都好出名，最出名係騸牯牛，睇番資料，原來騸牯牛通常一歲左右就被閹，會養到六至八歲先被劏，肉質比較細緻，油花多，口感嫩滑又有牛味。不過因為我同朋友都唔食牛，所以無得試。
我地亦點了很多火鍋配料，包括: 「瑤柱冬筍丸半份$44」、「鵝肝墨丸半份$44」、「黑松露鮮蝦水餃$44」、「豚肉韮菜餃$29」、「貢丸$58」、「碧綠豆腐$68」、「鮮腐竹$28」、 「生根$28」 、「廣島蠔$68」、「鵝腸$68 」、「花枝片$58」、「唐生菜$48」、「黑毛豬腩肉$158」。
當中以「碧綠豆腐$68」最為有特色，係以菠菜、雞蛋、豆漿自製而成的，香滑，特别清新的一道菜。
雖然無食牛，但叫「黑毛豬腩肉$158」，賣相已經好精緻，脂肪比例分佈平均，肉味好出，而且一大碟有好多片，夠哂食。
「廣島蠔$68」一D都唔腥，而且熟左之後又唔會縮哂水，吸哂湯精華，好好味。真係好鐘意呢度既環境，走型格高貴路線，最特別係出面露台，岩哂吃飽飯出去飲杯野，原來除左主餐區同露台之外，仲有一間貴賓房，呢間房可以坐16人，岩哂私人派對或公司聚會。
張貼
