一浩 (已結業)

話說我咁耐以嚟都未去過屯門嘅黃金海岸~於是朋友就襯臨近聖誕~帶咗我嚟黃金海岸感受一吓~行行吓見到呢間一浩幾靚，仲要係日本餐廳~門口有一隻聖誕熊啤啤張開雙手歡迎你~所以就揀咗呢間嚟食~入面環境好大好靚~裝修一流~十足酒店咁高級~坐位好大好寬闊~咁舒服嘅地方~令我胃口大增~我哋2個人揀咗三個定食嚟食~叫咗個 極上壽司定食 Share食~壽司師父細心擺設~有我最愛左嘅口魚裙邊,吞拿魚腩,海膽等等~唔知係咪睇到師父切完就拎過嚟嘅關係~味道份外新鮮~朋友揀咗 櫻花魚生丼我有分咗小小嚟食~好多魚生~微微芝麻和青瓜令魚生味道生色不少~帶出鮮味~天婦羅定食薄薄嘅炸粉~唔太油膩~蝦大大隻~菇唔會好乾~份量啱啱好~食食吓都飽飽哋~所以都無再叫其他嘢食~咁樣叫都唔係太貴~咁靚地方,食物質素又唔差~確係拍拖好去處~值得一去~