影片
更多
2023-03-07
16 瀏覽
勁鍾意打邊爐嘅我 最近發現一間超正嘅火鍋放題 位於尖沙咀嘅黑樺牛 每次喺IG見到人哋打卡 我都流晒口水🤤終於同朋友夾到時間一齊去食啦呢度嘅裝修以日式木系為主 色調柔和 寬敞舒服☺️ 今次食嘅係120分鐘熊本A5黑樺和牛火鍋放題 開動啦🥢有7款湯底，我哋揀咗北海道豆乳玫瑰芝士鍋🧀賣相好靚啊，有朵大玫瑰喺中間，一邊煮一邊溶，質感好滑，奶味重芝士味都好香濃。坐低後店員就簡單介紹，跟住上咗一盤蒸海鮮同黑樺牧場精選層架俾我哋先，鳥籠三層架真係啱晒打咭📸第一層係和牛，其中一款係牛膝頭哥對上嘅部位，比較少有。第二層係豚五花，最尾一層就係黑松露墨魚滑同蟹籽蝦滑，兩款都好彈牙😍海鮮分別有蠔/扇貝/蝦🦐全部都好新鮮，蠔仲好肥美，超正！之後就可以用QR code點野食😋選擇有好多，除咗火鍋必備嘅牛/豚/海鮮/餃類等，呢度嘅小食都不容忽視，我哋都點咗麻辣牛柏葉/魚皮/牛腱同皮蛋，呢啲涼拌小菜勁開胃，就連pizza都有得點🍕呢度嘅牛肉都係A5熊本黑樺和牛🐂特上霜降小排雪花好靚，入口溶化。玉子後腰肉個樣好吸睛，將隻蛋同啲肉拌勻再灼，質地勁滑。而牛頸脊就係牛尾最濃郁嘅🤤佐賀名水豚梅花肉都好鮮嫩👍🏻
勁鍾意打邊爐嘅我 最近發現一間超正嘅火鍋放題 位於尖沙咀嘅黑樺牛 每次喺IG見到人哋打卡 我都流晒口水🤤終於同朋友夾到時間一齊去食啦
呢度嘅裝修以日式木系為主 色調柔和 寬敞舒服☺️ 今次食嘅係120分鐘熊本A5黑樺和牛火鍋放題 開動啦🥢有7款湯底，我哋揀咗北海道豆乳玫瑰芝士鍋🧀賣相好靚啊，有朵大玫瑰喺中間，一邊煮一邊溶，質感好滑，奶味重芝士味都好香濃。
坐低後店員就簡單介紹，跟住上咗一盤蒸海鮮同黑樺牧場精選層架俾我哋先，鳥籠三層架真係啱晒打咭📸第一層係和牛，其中一款係牛膝頭哥對上嘅部位，比較少有。第二層係豚五花，最尾一層就係黑松露墨魚滑同蟹籽蝦滑，兩款都好彈牙😍海鮮分別有蠔/扇貝/蝦🦐全部都好新鮮，蠔仲好肥美，超正！
之後就可以用QR code點野食😋選擇有好多，除咗火鍋必備嘅牛/豚/海鮮/餃類等，呢度嘅小食都不容忽視，我哋都點咗麻辣牛柏葉/魚皮/牛腱同皮蛋，呢啲涼拌小菜勁開胃，就連pizza都有得點🍕呢度嘅牛肉都係A5熊本黑樺和牛🐂特上霜降小排雪花好靚，入口溶化。玉子後腰肉個樣好吸睛，將隻蛋同啲肉拌勻再灼，質地勁滑。而牛頸脊就係牛尾最濃郁嘅🤤佐賀名水豚梅花肉都好鮮嫩👍🏻
張貼
