御滿屋日本料理

營業中

休息中

一出旺角地鐵站步行二十秒，想食放題，見咁方面就上去試下。其實好耐之前都黎過，但係上到去見到裝修過，啲位好坐左同環境舒服左，所以同fd黎食飯吹水都得。睇番menu原來而家放題都有唔同package揀，最貴$5xx，有海膽、極品大拖羅同乳龍蝦等等，今次就食番普通料，選擇都好多，滿載而歸。講下刺身先，三文魚好大塊、北寄貝正常、帶子細粒左小小但好鮮甜、大赤蝦回本之選，新鮮又大隻，對比其他放題餐廳有機會係冇頭既大赤蝦，但呢度幾大赤蝦隻隻都有頭同埋大大隻。熟食方面，鹽燒海蝦都算新鮮，沙律扇貝都好大隻，牛舌燒到好香。另外仲有菜心同白菜仔，蔬菜類好翠綠，唔似煮左好耐擺左好耐咁。其實要講就講唔哂，但overall黎講，自助區既食物一d都唔劣，睇落都幾衛生。仲有蜆、螺同青口，全部都幾爽口，唔係霉肉。裝修後環境係感覺上係衛生好多，而且員工嘅服務態度都好唔同，以往嘅放題啲員工都好趕時間，所以會比較急躁。但係御滿屋既員工做野都快手同埋有禮貌，會主動收碟同埋好快解決到客人既要求，可能有唔同級數既package 所以成間店舖都high class左。