影片
更多
2020-12-12
7 瀏覽
最近見好多人都去食呢間牛扒，所以我都決定要試一試！成間鋪剩係得一個餐可以嗌，證明佢哋專心做好一件事。冇得揀好適合我呢啲有選擇困難嘅人。（但今日佢話有豬肉食，個心都離一離。我唔想揀呀！）($298+10%)牛扒 🥩：八安士1855黑安格斯肉眼牛扒好似話喺美國空運過嚟，好強大嘅外國勢力。唯一要揀嘅就係生熟度，我諗咗好耐最後揀咗五成熟。把刀好可愛，平時我都係成塊扒用叉插住咁食，見呢排都禁得意要即刻用下！（可以比$200買把刀）呢度有三款醬汁可以揀。我叫咗洋蔥醬，但其實最好食都係落鹽同黑椒。沙律🥗： 凱撒沙律幾清新，仲有四份一隻流心蛋。有冇人都好鍾意食沙律入邊嘅麵包粒？呢度啲麵包米好鬆脆！沙律上面仲有啲芝士粉，令到成個味道提升一個層次！麵包 🍞：餐包係餐廳自家製同埋有烘底，仲有兩款牛油俾我哋揀！唔知係我唔係我嘅幻覺，覺得個包比出邊嘅甜。除咗普通牛油仲有肉桂牛油醬，平時其他餐廳好少試到。個人覺得肉桂味比較特別同好食。薯條 🍟： 任嗌㗎喎！呢度嘅薯條可以無限添，抵食。幾脆身所以容易吸收醬汁，係一個好嘅配菜。呢度仲有番茄醬，但係我覺得點洋蔥醬更好食，食落好似卡樂B嘅雜菜薯條。夜晚嚟呢度嘅環境昏暗，仲
最近見好多人都去食呢間牛扒，所以我都決定要試一試！成間鋪剩係得一個餐可以嗌，證明佢哋專心做好一件事。冇得揀好適合我呢啲有選擇困難嘅人。（但今日佢話有豬肉食，個心都離一離。我唔想揀呀！）($298+10%)
牛扒 🥩：八安士1855黑安格斯肉眼牛扒
好似話喺美國空運過嚟，好強大嘅外國勢力。唯一要揀嘅就係生熟度，我諗咗好耐最後揀咗五成熟。把刀好可愛，平時我都係成塊扒用叉插住咁食，見呢排都禁得意要即刻用下！（可以比$200買把刀）呢度有三款醬汁可以揀。我叫咗洋蔥醬，但其實最好食都係落鹽同黑椒。
沙律🥗： 凱撒沙律
幾清新，仲有四份一隻流心蛋。有冇人都好鍾意食沙律入邊嘅麵包粒？呢度啲麵包米好鬆脆！沙律上面仲有啲芝士粉，令到成個味道提升一個層次！
麵包 🍞：餐包
係餐廳自家製同埋有烘底，仲有兩款牛油俾我哋揀！唔知係我唔係我嘅幻覺，覺得個包比出邊嘅甜。除咗普通牛油仲有肉桂牛油醬，平時其他餐廳好少試到。個人覺得肉桂味比較特別同好食。
薯條 🍟： 任嗌㗎喎！
呢度嘅薯條可以無限添，抵食。幾脆身所以容易吸收醬汁，係一個好嘅配菜。呢度仲有番茄醬，但係我覺得點洋蔥醬更好食，食落好似卡樂B嘅雜菜薯條。
夜晚嚟呢度嘅環境昏暗，仲有蠟燭同音樂，可以來一場燭光晚餐。 仲要講英文，I go to school by bus，成世人都未去過啲咁高級嘅餐廳。後面仲有netflix嘅家有壁爐，覺得好溫暖。水好飲，有wifi，今日冇去廁所。 🔥
張貼
