莎樂美餐廳

營業中

休息中

藍妹有時都幾鐘意舊式裝潢既西餐廳，比人一種懷舊既風味。「莎樂美餐廳」，淨係個名已經令人覺得去左80年代咁。🙂—午餐黎講算係好貴，但係間中食一次都唔過份既。—之前未試過白湯有塊梳打餅，好新奇😮—黑椒牛肋條（配黑椒汁）以為牛肋條會係有骨，原來冇既，啖啖都係肉。份量都唔少，藍妹一個人食，食哂啲肉已經7,8成飽😅牛肋肉好林，唔會食到牙骹軟。🤣—串燒大蝦皇伴莎地亞什扒（配肉汁）睇相都見到份量好足啦，什扒勝在乜都有，滿足哂多個願望。😉 整體各款扒類味道都唔錯，肉都唔會鞋。—貼心地，最後有個朱古力雪糕做甜品。😜—雖然60幾蚊食個lunch係奢侈左啲，不過間中對自己好啲，都唔錯啊。❤️好彩，間野都幾好食，有機會可能會試下晚餐。