麒藝館 (已結業)

踏入三月，外面好似回復正常咁，但個人衛生當然要時刻注意。銅鑼灣麒藝館，非常貼心地提供信封裝口罩。服務態度幾好，成日幫忙添茶水。桂花烏龍好香。午市超值孖寶有兩款，一款係$218有即燒無花果天下第一豬及西班牙黑醋撈汁素燴，另一款就係$238有唐酒花膠蟹肉蛋白及日山和牛鬆炒飯，蛋白充滿酒香，花膠入口軟綿；和牛炒飯好入味好乾身，抵食！無花果極品叉燒($168)：一客八件，以西式擺盤呈現的叉燒，非常精緻又美觀。叉燒塗上無花果醬帶有焦香，伴碟有矜貴的黑魚子醬，叉燒升格而成名貴菜！