亞宝麻辣－麻辣燙川粵菜專門店 (已結業)

我們兩個人幫襯於某星期六下午，過了繁忙時間，所以好多位。環境坐位舒服。點了一份水煮鮮牛肉客飯和一份酸菜煮魚客飯。跟湯，白飯和飲品。點完都等了約十分鐘，因坐近厨房位置，客人不多，所以聽到爐頭聲，肯定係即叫即煮。當時心諗味道應該吾差得去邊。吃上口牛肉軟諗，夠麻辣，牛肉大大塊，份量多，其它配菜也足，熱辣辣，好吃。另一份酸菜魚，又係大大塊魚肉，份量足，個水煮湯底好喝，不過魚肉比較多骨，要小心吃。餐跟例湯，白飯各一碗，正常味，不題。再跟飲品一杯，凍加幾蚊。兩份客飲一百廿多元落樓，味道水準和份量對得住這個價錢，我會再幫襯，還有幾款客飯我想試一下。