和牛燒肉一郎 (百誠大廈)

營業中

休息中

位於佐敦地鐵站附近，唔使5分鐘就行到過去。店舖非～常寬敞，感覺舒適自在。午餐時黎嚟到呢度，揀左佢地嘅午市套餐，加廿蚊就有埋無限飲品同沙律吧，見選擇都唔少就加埋啦😁連沙律🥗汁都有好多選擇，為左無咁肥就揀左檸檬🍋鹽汁，兩者配埋沙律菜，青瓜同小蕃茄，都幾夾😊壺漬牛外橫隔膜&兩色蔥花牛舌（鹽味）牛舌剪得非常薄，但食落仍然保留到爽脆嘅肉質，同牛舌部位獨有的甜味。同牛舌相比，更加鐘意佢地嘅壺漬牛外橫隔膜，醬汁由醬油、蘋果蜜、薑末、蒜泥及味醂等材料調配而成，唔會過咸，小小甜味更帶出到濃郁嘅肉香。