i kitchen (已結業)

星期日係我同老公既拍拖👫日，於是我地就出去觀塘行街同食野，點知比我地搵到隱世既西式餐廳— i kitchen☺️ 唔好以為佢位置偏僻就無食物質素，其實係非常高質同高汁😋我同老公近排追韓劇多，於是我地點左個韓式炸雞球😋雞球炸得好嫩滑好juicy，配合埋個芝士醬非常好食！我地之後再食左個香煎厚切鵝肝牛肝菌意大利飯！呢個我同老公食到停唔到口，鵝肝非常厚切，煎過之後啲油脂出晒但完全唔油膩，入口即溶🤤之後我哋再戰煙三文魚牛油果薄餅💕薄餅同樣非常出色 ！煙三文魚充滿魚油香，夾埋個脆薄餅同牛油果好好食😋最後我地飲埋個ice mocha，咖啡味濃，係炎炎夏日飲非常好飲！！