博多拉麵別天神 (已結業)

今日收左工約左友人，係北角碼頭行完之後比我發現左呢間博多拉麵別天神，雖然店面小，但拉麵方面一啲都唔失水準。非常之好味。我叫左個別天神套餐配餃子，啲湯底好香濃，非常多料去煮，味道十分濃郁，表面唔會有油，食落都好健康，啲豚肉非常多，重有小小配菜，顏色都好吸引人，真係色香味俱全，重有隻溫泉蛋，金黃色既蛋黃睇見都流曬口水。拉麵都好多，岩曬我呢啲大肥仔啦，爽口彈牙，好味。餃子放面，外脆肉軟，好有口感，皮唔會好厚，非常脆，中間啲料肉汁多，真係好好味。非常值得一試，一試便愛上。友人就選左蝦味噌套餐配餃子，都係豚肉主打，令外有些配菜唔同，比我多左啲蝦米醬，係秘製既，好有鮮味。賣相都好吸引。桌上還有一些調味料，如果鐘意濃味啲既可以加落去，都唔錯既選擇。