影片
更多
2021-05-15
101 瀏覽
同個好耐冇見嘅朋友聚舊，實有排傾。於是我哋揀咗呢間位於中環嘅意大利餐廳，鍾意佢環境寧靜，又啱傾計，而且大家都鍾意食傳統嘅意大利菜。地點非常方便，佢係喺威靈頓街嘅樓上餐廳，收工後約食飯大家都就腳。首先嚟嘅係 切咗粒嘅蒜蓉包。 我地有啲點咗橄欖油塘黑醋食，有啲留返之後用嚟點主菜嘅汁食。 個麵包質地有少少脆，味道都唔錯。飲品我叫咗 fruit punch， 甜甜地，感覺幾開胃。朋友叫咗橙汁佢話都幾好飲。前菜 Calamari Rings (HKD140)魷魚圈嘅份量都幾多，配埋個微辣嘅醬，非常之matched，勁好食，我地食完一件又一件。魷魚都幾彈牙，烤過會提升咗香味。 另外下面有沙律菜嘅墊底，撈咗蛋黃醬。整體都好好食，呢個惹味嘅前菜，我同朋友都好鍾意。主菜1 Vincisgrassi (HKD230)係一個傳統嘅home made 做法嘅肉醬千層麵，裏面有免治豬肉同免治牛肉， 一切開就見到肉嘅份量都幾多，而麵嘅質地都幾彈牙。整體口感豐富，好好食。雖然望落去唔太大份，但係都好夠飽，因為佢比較濃縮。個人覺得，呢個千層麵同平時出面食到嗰啲係唔同㗎。主菜2 Grilled Pork Chop (S
地點非常方便，佢係喺威靈頓街嘅樓上餐廳，收工後約食飯大家都就腳。
首先嚟嘅係 切咗粒嘅蒜蓉包。 我地有啲點咗橄欖油塘黑醋食，有啲留返之後用嚟點主菜嘅汁食。 個麵包質地有少少脆，味道都唔錯。
飲品
我叫咗 fruit punch， 甜甜地，感覺幾開胃。
朋友叫咗橙汁佢話都幾好飲。
前菜 Calamari Rings (HKD140)
魷魚圈嘅份量都幾多，配埋個微辣嘅醬，非常之matched，勁好食，我地食完一件又一件。
魷魚都幾彈牙，烤過會提升咗香味。 另外下面有沙律菜嘅墊底，撈咗蛋黃醬。
整體都好好食，呢個惹味嘅前菜，我同朋友都好鍾意。
主菜1 Vincisgrassi (HKD230)
係一個傳統嘅home made 做法嘅肉醬千層麵，裏面有免治豬肉同免治牛肉， 一切開就見到肉嘅份量都幾多，而麵嘅質地都幾彈牙。
整體口感豐富，好好食。雖然望落去唔太大份，但係都好夠飽，因為佢比較濃縮。
個人覺得，呢個千層麵同平時出面食到嗰啲係唔同㗎。
主菜2 Grilled Pork Chop (Signature) (HKD348)
呢個主菜不得了! 侍應一放低已經聞到撲鼻嘅香味!
個豬扒好粉嫩又juicy，脂肪同肉嘅比例啱啱好，每一啖都好香口，而且廚師煎到豬扒表面有微微嘅脆，廚藝值得一讚。
真係超級超級好食! 呢個我同朋友都勁推薦。
配菜有車厘茄，同埋用煙肉包住嘅肯尼亞豆。
車厘茄有微微嘅辣調味，都幾好食，而且份量都唔少，感覺幾健康。
煙肉包肯尼亞豆，呢個組合都夾，我第一次食肯尼亞豆，青味唔重，都唔錯㗎。
甜品 Mascarpone and Vanilla
侍應推介我哋叫呢款甜品，話喺menu上面冇嘅，係一個傳統嘅意大利甜品。
Mascarpone 係一種意大利 嘅芝士 佢非常之軟滑，有啲似食緊乳酪咁，芝士味唔係好重， 所以唔會蓋過雲呢拿嘅味道，令到兩者嘅味道都發揮到，融合為一，味道又夾。
呢個甜品好特別，我同朋友都係第一次食。
呢餐食得好飽呀! 每樣食物都高質好食，而且 侍應有禮貌態度好好，環境又舒適。
我同朋友都好開心喺度食到餐好食嘅傳統意大利菜， 又可以靜靜地傾下偈，大家都好鍾意呢度。
張貼
