影片
更多
2022-08-15
55 瀏覽
屋企人中意食中菜, 趁長輩生日, 特登上網搵左依間行新派路線既中菜廳。 依度既裝潢感覺低調得黎有氣派, 格調帶有酒店中菜廳既感覺。每枱都有既琥珀合桃香脆惹味，仲有唔好錯過瑤柱XO醬，啖啖都係瑤柱絲，鮮香帶微辣。積木茄子賣相精緻, 好似層層疊咁, 外層類似椒鹽豆腐咁, 又薄又脆帶點椒鹽味道好香口。 茄子既口感恰到好處, 唔會過軟, 有點咬口。 尖椒皮蛋醬汁調得好好, 麻辣味平均又香濃, 皮蛋清凉爽口, 香而不腻, 簡易美味。 蟹肉蛋白冬茸羹蛋白, 冬瓜茸同蟹肉都完全融入羹內, 質感濃厚。細看下見到一絲絲雪白蟹肉, 口感滑溜味道細緻, 可以食到蟹帶出既鮮味同冬瓜既香甜。 天府酸菜桂花魚天府酸菜魚係顏府必點菜式黎, 細份量既都比想像中所大, 上枱香氣撲鼻, 片片魚肉都滑溜鮮嫩, 口感彈牙。湯頭味道麻辣鮮香, 花椒八角同酸菜味全部都好有層次, 仲帶有魚湯鮮味, 真係好好食。鍋內仲有木耳,萵荀, 同埋土豆粉, 土豆粉索哂湯汁精華, 煙韌美味!八珍老薑一口黑豚肉創新果然可以帶黎驚喜, 用上八珍老薑配黑豚肉, 中意佢仲加入左蕎頭, 酸甜對比更加突出, 味道層次更加豐富。黑豚肉外層鬆化, 肉質爽口,
依度既裝潢感覺低調得黎有氣派, 格調帶有酒店中菜廳既感覺。
每枱都有既琥珀合桃香脆惹味，仲有唔好錯過瑤柱XO醬，啖啖都係瑤柱絲，鮮香帶微辣。
積木茄子
賣相精緻, 好似層層疊咁, 外層類似椒鹽豆腐咁, 又薄又脆帶點椒鹽味道好香口。 茄子既口感恰到好處, 唔會過軟, 有點咬口。
尖椒皮蛋
醬汁調得好好, 麻辣味平均又香濃, 皮蛋清凉爽口, 香而不腻, 簡易美味。
蟹肉蛋白冬茸羹
蛋白, 冬瓜茸同蟹肉都完全融入羹內, 質感濃厚。細看下見到一絲絲雪白蟹肉, 口感滑溜味道細緻, 可以食到蟹帶出既鮮味同冬瓜既香甜。
天府酸菜桂花魚
天府酸菜魚係顏府必點菜式黎, 細份量既都比想像中所大, 上枱香氣撲鼻, 片片魚肉都滑溜鮮嫩, 口感彈牙。湯頭味道麻辣鮮香, 花椒八角同酸菜味全部都好有層次, 仲帶有魚湯鮮味, 真係好好食。
鍋內仲有木耳,萵荀, 同埋土豆粉, 土豆粉索哂湯汁精華, 煙韌美味!
八珍老薑一口黑豚肉
創新果然可以帶黎驚喜, 用上八珍老薑配黑豚肉, 中意佢仲加入左蕎頭, 酸甜對比更加突出, 味道層次更加豐富。黑豚肉外層鬆化, 肉質爽口, 毫無膩感。
今晚無論環境, 菜式質素都好高水準, 服務方面亦不得不讚, 店員主動有禮, 亦會不時上前加茶, 整體十分高質。
張貼
