陸陸雞煲火鍋 (已結業)

一蚊雞就唔係新鮮野，但一蚊雞煲我就第一次試。最近由於疫情，晚上無堂食，就決定試下呢間既外賣雞煲，呢度個一蚊雞煲是限時優惠，由於我地唔係太食得辣，就左半隻BB辣。落單既時候職員有問要唔要其他野，我地最後無要其他，但職員態度都好好，唔會黑面，呢個真心讚，而且外賣盒亦都唔收錢。返到屋企一睇，話雖係半隻雞，但份量真係幾多，似乎多過半隻，不過BB辣就的確唔係好辣，有D人會覺得唔係好夠力，食得辣既朋友最少要叫小辣或中辣。雞件調味得好香，惹野味又夠滑，質素相當理想，唔會話係一蚊推廣就求其做。呢個優惠唔知仲有無，如果無左，有番堂食時大家可以試下。