金鶴拉麵 (九龍城道) (已結業)

今日去土瓜灣探呢個老朋友。老朋友話土瓜灣有一間隱蔽但高檔好味嘅拉麵店，問我有冇興趣去試下。我即刻應承咗。間店舖因為佢唔係開係啲商場地方，係開喺土瓜灣街市附近，而且門面唔會有個誇張既招牌，所以唔熟悉既人，唔係咁易搵到。一入到去，裝修幾高檔，入口有一排bar台，再入去就係正常坐位。我地入到去，被佢一幅高貴既掛畫吸引住。我地分別叫左1個拉麵同1個飯金鶴雞白湯拉麵：個湯底好白好傑好濃味。傑到有少少似飲緊啲忌廉咁。上面嗰啲好似花咁嘅炸物，其實就係炸牛蒡。炸牛蒡最緊要趁熱食，唔好畀 浸係湯度太耐，如果唔係就會淋曬唔好食，唔香口。而佢嘅肉就煮得好淋好易入口。個麵就煮得軟硬剛剛好，唔會太淋，仲保持到爽口，配埋個湯，一流。活燒蒲燒鰻魚飯：食個飯呢要等耐少少，因為職員話係即叫即劏即燒。終於等到鰻魚飯啦，佢地既鰻魚係比平時食開既厚身。而且燒得好恰當，外脆內軟，每一啖都充滿鰻魚既油香。啲飯唔知係咪用左日本米既米呢，特別好食。鰻魚啲油香， 滲透落啲飯度，真係一流。最後整體提大家 餐廳提供即時入會入會後可以揀可樂或者流心蛋。我哋就揀咗流心蛋。佢個流心蛋嘅蛋黃味比平時食既濃厚好多。