倚窗閣

營業中

休息中

今日book左倚窗閣同屋企人食lunch，比預期中有驚喜👍🏻雖然我坐嘅位置冇海景，但窗邊位落地大玻璃對住半島酒店外國風嘅景觀，嘆杯咖啡都別有一番風味，好chill🥰食物方面，都冇令我失望，我地係叫A La Carte，中式西式都有叫，好欣賞佢地廚師對食物嘅用心，即使係普通嘅lunch menu，佢地嘅擺盤都好精緻唔會馬虎，味道當然仲好好食，岩哂中意打卡嘅我🤣最令我難忘嘅係芒果拿破侖，之前已經聽朋友講佢地嘅甜品唔差，今次特登留肚試，果然高質！皮脆吉士甜度岩岩好，唔會死甜，下次有朋友生日都買個蛋糕分享下先！總括嚟講，呢個價錢食到呢個質素嘅lunch，性價比高，抵！