影片
更多
2017-04-16
968 瀏覽
事緣約左個一排冇見既朋友相聚,我就係旺角揀左間就腳又有信心既鋪頭食飯。 呢間餐廳連埋今次筆者已經係第5﹑6次黎食。野食好食之餘我都貪佢好坐可以飲杯茶吹個水。點心除左原本果D估唔到有新野出。 我地已經擺好架撐，準備開餐！ 今次2個人叫左4個點心一個飯，主要試新菜式同招牌點心。等我個朋友都可以比多d 意見。 多左好多新菜式，正！ 首先黎左碧綠帶子腸(HKD 28) 賣相唔錯，豉油分開上幾好。因為有好多茶樓都係會直接同你淋哂上面搞到咸得濟又會令腸粉林哂。雖然皮相對上厚左少少,但係勝在夠滑同粒帶子夠大夠新鮮。 第二個黎既係蟲草雞竹筒飯(HK 30) 佢個飯又正又抵食..... 一來佢D料真係多到係個飯面起左座小山 二來係蒸既時候D虫草花同雞味滲左入D飯度,加少少豉油吃就己經帶出到個鮮味。 之後就黎左個白汁磨菇雞批(HKD 28) 依加好興中西合壁，所以佢呢個應該係用中式酥皮再焗出黎。呢個相對唔油，同埋佢Ｄ料切得比較細粒。好易入口。原本一人一隻剩一隻，點知最後想囉埋黎吃既時候我個friend 已經食左... 呢個係上網睇人叫既，每次同女朋友食都冇機會吃，因為佢唔食蝦。唔係老點小漢
呢間餐廳連埋今次筆者已經係第5﹑6次黎食。野食好食之餘我都貪佢好坐可以飲杯茶吹個水。點心除左原本果D估唔到有新野出。
我地已經擺好架撐，準備開餐！今次2個人叫左4個點心一個飯，主要試新菜式同招牌點心。等我個朋友都可以比多d 意見。
多左好多新菜式，正！ 
首先黎左碧綠帶子腸(HKD 28)賣相唔錯，豉油分開上幾好。因為有好多茶樓都係會直接同你淋哂上面搞到咸得濟又會令腸粉林哂。雖然皮相對上厚左少少,但係勝在夠滑同粒帶子夠大夠新鮮。
第二個黎既係蟲草雞竹筒飯(HK 30)佢個飯又正又抵食.....
一來佢D料真係多到係個飯面起左座小山
二來係蒸既時候D虫草花同雞味滲左入D飯度,加少少豉油吃就己經帶出到個鮮味。
之後就黎左個白汁磨菇雞批(HKD 28)依加好興中西合壁，所以佢呢個應該係用中式酥皮再焗出黎。呢個相對唔油，同埋佢Ｄ料切得比較細粒。好易入口。原本一人一隻剩一隻，點知最後想囉埋黎吃既時候我個friend 已經食左...
呢個係上網睇人叫既，每次同女朋友食都冇機會吃，因為佢唔食蝦。唔係老點小漢堡(HK 26)呢個堅係唔係老點.個蝦堡打得好滑好爽口，連我呢Ｄ唔多食蝦既人都鍾意食。美中不足係。佢真係比較細粒，點心SIZE。
最後就係個清油雲吞雞。因為野食黎得太快未食得切,所以一開頭我地叫佢唔好開個蓋住一開蓋,D清酒同雞湯味出哂黎。未食就已經聞到好香既清酒味。
聞過舊雞.未食已經知勁入味睇個賣相開初以為佢好油,點知吃落口又唔覺,成個鍋又雲吞又雞,一人幾口就已經清哂。
5個點心連茶錢HKD 150幾。個價就正常價。不過性價比算高，勝在大件又好吃。
張貼
