影片
更多
2018-11-12
73 瀏覽
上星期同frds去食飯，佢提議左間高cp值嘅西餐廳，見喺荃灣又近我葵芳office，收工好快就去到。閒日8點幾，唔使點等就入得就咁睇餐牌都好多野食揀，但我地得4個女，又唔特別餓，所以就嗌咗一個頭盤，一個小食同一個主菜。上菜速度算合理，落單10分鐘就上頭盤，我地嗌嘅係元貝刺身煙三文魚他他。元貝刺身雖然份量唔多，但好大隻又厚肉，而且都幾鮮甜，正！我平時如果食唔靚嘅煙三文魚會有少少敏感，但呢個完全冇事，配埋下面啲青瓜他他食，好fresh!今日嘅重點黎啦，因為我地幾個都好鍾意食海鮮，所以好重本咁嗌咗個海鮮拼盤，原隻波士頓龍蝦咁上，勁吸引，影完相待應話可以幫我地叫師傅開埋，好貼心！龍蝦食落好爽好彈牙，而且夠鮮甜，食得出係新鮮貨，煎帶子又係好厚肉，同刺身唔同，今次食熟嘅帶子多咗陣香煎嘅味，而且煎得啱啱好，唔會煎到老晒。隔離都仲有啲煙三文魚同沙律菜，都唔錯。最後上菜係干邑龍蝦燴飯，開邊龍蝦上，好足料。平時食嗰啲龍蝦燴飯都係用龍蝦汁，呢個用干邑煮，老老實實，我就食唔出有咩分別嘅，但味道都好夠，啲飯煮得啱啱好，唔會一pat pat爛晒咁，我地4個一人幾啖就好快清晒。走嗰陣唔記得影張單，但我記得人均都係2
閒日8點幾，唔使點等就入得
就咁睇餐牌都好多野食揀，但我地得4個女，又唔特別餓，所以就嗌咗一個頭盤，一個小食同一個主菜。
上菜速度算合理，落單10分鐘就上頭盤，我地嗌嘅係元貝刺身煙三文魚他他。
元貝刺身雖然份量唔多，但好大隻又厚肉，而且都幾鮮甜，正！我平時如果食唔靚嘅煙三文魚會有少少敏感，但呢個完全冇事，配埋下面啲青瓜他他食，好fresh!
今日嘅重點黎啦，因為我地幾個都好鍾意食海鮮，所以好重本咁嗌咗個海鮮拼盤，原隻波士頓龍蝦咁上，勁吸引，影完相待應話可以幫我地叫師傅開埋，好貼心！
龍蝦食落好爽好彈牙，而且夠鮮甜，食得出係新鮮貨，煎帶子又係好厚肉，同刺身唔同，今次食熟嘅帶子多咗陣香煎嘅味，而且煎得啱啱好，唔會煎到老晒。隔離都仲有啲煙三文魚同沙律菜，都唔錯。
最後上菜係干邑龍蝦燴飯，開邊龍蝦上，好足料。
平時食嗰啲龍蝦燴飯都係用龍蝦汁，呢個用干邑煮，老老實實，我就食唔出有咩分別嘅，但味道都好夠，啲飯煮得啱啱好，唔會一pat pat爛晒咁，我地4個一人幾啖就好快清晒。
走嗰陣唔記得影張單，但我記得人均都係200幾，食咗幾多海鮮下，都算合理價錢。
肉類今次就冇食，但個frd話呢度嘅豬扒整得幾正，等我下次再黎試下。
元貝刺身煙三文魚他他
10 瀏覽
0 讚好
0 留言
干邑龍蝦燴飯
3 瀏覽
0 讚好
0 留言
海鮮拼盤
4 瀏覽
0 讚好
0 留言
張貼
