1998 Food & Beverage (已結業)

餐廳位於油麻地近朗豪坊，位置非常方便，重點係性價比高，服務又唔錯，一坐低就送上冰凍檸檬水供客人消暑。💥午餐餐湯忌廉湯非常香濃郁，口感creamy，唔會係茶餐廳嘅水狀。💥蟹肉意粉（$86）意粉份量好大碟，芝士碎勁多，而且蟹肉亦好足，蟹肉味濃配以勁creamy嘅海鮮汁意粉，味道好夾，意粉亦好彈牙，烹調時間好恰當，真係性價比好高。💥朱古力心太軟配雲呢拿雪榚（$36）心太軟朱古力味濃郁，新鮮焗出黎要等一陣，所以熱辣辣上枱，非常多嘅流心流出黎。配似凍冰嘅雪榚真係好正。