火五越式牛肉粉專門店 (其昌樓)

營業中

休息中

火五火車頭牛肉粉 $62叫得火車頭肯定係大堆頭😆入面有生熟牛肉、牛腩、牛丸同埋扎肉，牛肉切到好薄身，一啲都唔嚡口，牛腩大大舊，炆得好腍好入味，牛丸彈牙有肉汁，咬落去就有汁標出嚟，扎肉嘅胡椒味好夠，好惹味👍🏻湯底味道濃郁，同成碗都好夾😀河粉嘅份量好充足，好夠飽。越式魚翅花膠雞湯檬 $59魚翅係排翅，唔會一條條好難先食到，花膠炆到好腍，而且剪到可以一啖一舊，唔怕咬唔開，雞件都算多，食落唔嚡口，真心好足料，湯底清清地，唔會食完好口乾😋D24榴槤炸彈 $48依個小食真心有驚喜，炸到外脆內軟，入面真係有榴槤肉，鍾意食榴槤既必試👍🏻香茅雞翼 $22雞翼不過不失，依個價錢有4隻，的確幾抵食😆