EaT燒肉

營業中

休息中

.愛吃肉肉嘅你有福了呢間餐廳以太空船嚟運送食物多款唔同價位肉質選擇性價比高 值得一試🔸宮崎和牛關西壽喜燒 $238 壽喜燒套餐有四大片宮崎和牛，每一片嘅紋理同埋油脂分布都好靚。關西壽喜燒係先烤肉類等出咗油之後再煎蔬菜，口感層層遞進，再點埋生雞蛋一齊食，牛肉非常嫩滑，全部蔬菜煮煮完之後都好入味。🔸 牛五花、牛小排、日本雞頸肉套餐 $118肉類150g嘅份量都唔少，牛五花嘅紋理好靚，色澤鮮紅亮麗，食落入口即溶。牛小排嘅油脂分布好均勻，食落嘅油脂感非常豐富，牛味亦都好香濃。雞頸肉肉質鮮嫩，口感爽滑。套餐加$15可以配埋紫菜溫泉蛋飯，再加埋本身嘅沙律同埋和風湯，真係非常豐富。🔸盛岡冷麵 $48冷麵嘅口感Q彈而且有嚼勁，食落冰涼感爆棚，再配有西瓜同埋泡菜等等嘅配料，非常適合一邊食燒肉，一邊食咁冰涼嘅冷麵。🔸 焙茶奶凍 $22焙茶味非常香濃，奶凍口感滑溜，非常高質。