團日式拉麵 (已結業)

呢間係荃灣開左冇幾耐拉麵店已係不同媒體見過，所以專程黎食一食。餐廳最大嘅賣點就係門口自助日式點餐販賣機，去過日本食拉麵嘅朋友都一定有玩過。點餐過程非常之簡單，首先選好拉麵，然後選擇麵身同材料等等，揀好可以直接入錢就會有餐紙出黎，另外餐廳外都有座位方便食客等候。進店後將紙條直接比店員就可以，店內環境不算大，但係乾淨整潔而且仲有部大屏幕會播放一D經典劇集，同近排日本流行音樂。今次同男友總共點左2款唔同嘅拉麵，分別係魚介拉麵同松葉蟹味增拉麵，而2款都選擇左直麵做底。松葉蟹味增拉麵呢款係每日限量，亦係最受歡迎一款，差不多每枱都有叫。湯底味道比較清不會太濃，飲落味道適中，而麵身唔會太淋帶點硬度。除左松葉蟹肉外，味增蟹蓋亦係重點之一，份量好多而且調味剛好不會過鹹。呢款拉麵性價比係當中最高，配料最多!魚介拉麵湯底味道比上一碗濃得多，入口充滿魚介湯味。每碗拉麵都有溏心蛋，紫菜，同叉燒。溏心蛋唔會因為放係湯入面太耐而變熟失去流心效果，蛋心黃夠哂甜。最後點左2款果汁梳打，信洲白提子梳打及信洲蘋果梳打。果汁梳打會偏甜，但可以清一清味蕾。