Ocio (東港城) (已結業)

平時多數同朋友去ocio食甜品，今次就試吓午餐，選擇都幾多，見到隔籬枱食all day breakfast好似幾豐富就叫左。🍴全日早餐 $98真係好大碟呀，通常外面嘅全日早餐都冇咁豐富，最開心有窩夫食，仲有蜜糖可以點，薯條沙律份量都好多。仲有芝士腸，巴馬臣火腿， 烤蕃茄，茄汁豆，煎雞扒。煎雞扒都好滑，肉類同蔬菜類嘅比例都幾適合，同朋友一路食一路吹水就最啱啦。飲品就飲凍齋啡，咖啡味好香濃。而餐湯就係南瓜湯，入面都有南瓜嘅口感。