微酵烘焙 (已結業)

大明頂頂嘅人氣麵包店「Share le Pain」來到香港。 今日去咗元朗探朋友， 見到「Share le Pain」，一於買番杯《珍珠鮮奶茶》& 《爆爆水果茶》同明友開心Share 啦！ 層次分明嘅《珍珠鮮奶茶》， 上層有香滑嘅法式忌廉， 加上香濃牛奶， 奶味十足， 仲有黑糖珍珠， 珍珠煙韌彈牙，口感十足， 正呀！ 好有夏天色彩嘅《爆爆水果茶》， 味道酸酸甜甜，好開胃， 加上多種新鮮生果，味道清新， 包括菠蘿、蘋果、青檸同香橙等等。 同朋友噗番抔食個包先， 《香蒜金磚》， 好香呀！ 舖上滿滿嘅香蒜同牛油， 真係香， 口感鬆脆， 好食！ 《極濃乳酪》， 一口咬住， 好creamy 原來夾住大大件嘅即creamcheese，好邪惡，但超惹味。我知道佢嘅髒髒包系列好出名， 包括有朱古力味(髒髒の胖) 、抹茶味(囧囧の胖)及士多啤梨味(羞羞の胖)。 我就買咗《抹茶味》做早餐， 個包好大個㗎， 成個麵包都舖滿抹茶，再加上煙韌嘅紅豆， 口感豐富， 味道好夾。 見到好多款麵包， 睇到我都眼花花， 不如買多幾款麵包做早餐先! 仲有好多款麵包未買， 下次我會逐一試吓， yummy !