影片
更多
2018-11-27
155 瀏覽
今日下午同表妹逛完沙田都未夠7點, 不過可能行左好耐, 所以已經超肚餓, 表妹建議去今年新開張的塚田農場嘆美人鍋, 作為標準美人的我當然讚成啦。我地因為比較早到餐廳, 所以唔需要等位, 不過都已經差不多滿座, 我地坐的bar枱位置好寬敞, 裝修時尚, 整體感覺好舒適。餐廳正做緊美人套餐優惠, 8折左之後只需$592, 套餐除左有二人份的招牌美人鍋外, 仲包括生春卷, 壽司同埋甜品, 另外有兩杯雞尾酒, 價錢合理。飲品我地兩個都揀左美人雞尾酒美人仿雞尾酒: 撫子, 味道唔太甜, 入口帶有桃香, 加入波子汽水感覺清爽。三文魚牛油果美人卷拼鰻魚忌廉芝士美人卷套餐可選擇兩款美人卷, 美人卷外層用越南米紙包裹住, 入口有少少米香, 餡料豐富而且富有爽口感, 兩款入面我比較喜歡鰻魚忌廉芝士美人卷, 鰻魚味道濃郁加上忌廉芝士, 味道非常配。美人鍋塚田農場招牌嘅美人鍋果然名不虛傳, 由雞骨熬成嘅骨膠原湯底口感厚實, 雞味特濃, 加上新鮮野菜同豆腐之後, 湯底更加鮮甜。配料除左有日本直送嘅走地雞之外, 手打雞滑味道都非常好, 不過美人鍋嘅精華始終都係骨膠原湯底, 我地最後都將佢飲光。帆立貝玉子壽司卷拼
我地因為比較早到餐廳, 所以唔需要等位, 不過都已經差不多滿座, 我地坐的bar枱位置好寬敞, 裝修時尚, 整體感覺好舒適。餐廳正做緊美人套餐優惠, 8折左之後只需$592, 套餐除左有二人份的招牌美人鍋外, 仲包括生春卷, 壽司同埋甜品, 另外有兩杯雞尾酒, 價錢合理。
飲品我地兩個都揀左美人雞尾酒美人仿雞尾酒: 撫子, 味道唔太甜, 入口帶有桃香, 加入波子汽水感覺清爽。
三文魚牛油果美人卷拼鰻魚忌廉芝士美人卷
套餐可選擇兩款美人卷, 美人卷外層用越南米紙包裹住, 入口有少少米香, 餡料豐富而且富有爽口感, 兩款入面我比較喜歡鰻魚忌廉芝士美人卷, 鰻魚味道濃郁加上忌廉芝士, 味道非常配。
美人鍋
塚田農場招牌嘅美人鍋果然名不虛傳, 由雞骨熬成嘅骨膠原湯底口感厚實, 雞味特濃, 加上新鮮野菜同豆腐之後, 湯底更加鮮甜。配料除左有日本直送嘅走地雞之外, 手打雞滑味道都非常好, 不過美人鍋嘅精華始終都係骨膠原湯底, 我地最後都將佢飲光。
帆立貝玉子壽司卷拼三文魚蟹肉沙律壽司卷
壽司卷好精緻, 賣相非常吸引, 一口一件, 鮮味濃郁。
甜品
今晚嘅甜品改成抹茶朱古力雪糕, 食完呢個甜品, 我地兩個都飽到要捧住個肚, 下次再黎我地都應該會改食$388果款二人餐。
張貼
