影片
更多
2016-07-11
3961 瀏覽
平時都會去食早餐。而因為AE信用卡有優惠，所以有一晚同同事放左工都黎試下。七點幾黎到，等左一陣先有位。Avocado Crab Meat Salad 牛油果蟹肉沙律唔錯，蟹肉就應該唔係新鮮架喇，不過加上我最愛既牛油果都唔會點錯。Lobster Linguine 龍蝦意粉係大家既推介。我覺得意粉軟硬度算係剛剛好的，而龍蝦肉亦新鮮，但唔知點解我覺得意粉好似唔係好夠入味，好似同龍蝦分開煮咁。對我黎講，完全無人地講得咁有驚喜喎。Rib eye 燒肉眼叫左medium rare，但係佢燒得比較生，出來既時候仲滲好多血水，所以我地請服務員幫我地再整熟少少。點知等左十幾分鐘先再拎出黎，而且再黎既時候完全係well done。雖然我地都明白再翻煮係好難控制生熟，但都唔駛熟到完全咬唔開吧。南瓜蓉同粟米就無特別。當晚最好食既係甜品。尤其係Mango Napoleon 芒果拿破崙，同平時食既唔同，感覺好輕盈。因為薄薄既酥皮與酥皮之間只有一小層忌廉同埋有好多鮮甜既芒果，而旁邊gelato亦好light。加上拿破崙頂的雜莓，配合得好好，令成個甜品感覺清新解滯。下次可以考慮飯後淨係坐低食甜品啵。（笑）唔知點解，食
Avocado Crab Meat Salad 牛油果蟹肉沙律唔錯，蟹肉就應該唔係新鮮架喇，不過加上我最愛既牛油果都唔會點錯。
Lobster Linguine 龍蝦意粉係大家既推介。我覺得意粉軟硬度算係剛剛好的，而龍蝦肉亦新鮮，但唔知點解我覺得意粉好似唔係好夠入味，好似同龍蝦分開煮咁。對我黎講，完全無人地講得咁有驚喜喎。
Rib eye 燒肉眼叫左medium rare，但係佢燒得比較生，出來既時候仲滲好多血水，所以我地請服務員幫我地再整熟少少。點知等左十幾分鐘先再拎出黎，而且再黎既時候完全係well done。雖然我地都明白再翻煮係好難控制生熟，但都唔駛熟到完全咬唔開吧。南瓜蓉同粟米就無特別。
當晚最好食既係甜品。尤其係Mango Napoleon 芒果拿破崙，同平時食既唔同，感覺好輕盈。因為薄薄既酥皮與酥皮之間只有一小層忌廉同埋有好多鮮甜既芒果，而旁邊gelato亦好light。加上拿破崙頂的雜莓，配合得好好，令成個甜品感覺清新解滯。下次可以考慮飯後淨係坐低食甜品啵。（笑）唔知點解，食完呢一餐之後更加覺得，Cafe Landmark骨子裡都係一間美心（同其他置地廣場內既大部分食肆一樣），Cafe Landmark特別有印象中美心俾人的感覺。可能係因為食物處理得幾好（無可否認MX的食物多數都幾好），但就算呢間算係高級餐廳，都唔係好感覺到廚房既心思。雖然服務員好似幾盡力關心你既需要，但佢地並唔係好清楚客人對食物既期望。
如果有信用卡優惠，加上地點方便，上班一族係可以黎試試既。離開前留意四周結帳既客人，我深信呢AE卡的確係餐廳晚晚滿座既主因。
張貼
