Sow by Loft 7 (已結業)

估唔到呢間fusion菜真係中西都得呀！印象最深刻就係有川貝枇杷膏，個杯仲係傳統嘅中式茶杯呀！事不宜遲首先等我介紹下呢杯傳統特色嘢飲啦👉👉Peekaboo，隻杯就好似👑傳統宮廷皇室用嘅杯咁，入面係川貝枇杷膏加紅莓，好鍾意枇杷膏夠曬潤喉，加埋紅莓有酸酸甜甜嘅感覺，就更加醒胃。跟住落嚟都想介紹下呢杯👉👉Ignited。高身嘅酒杯之中，盛載嘅當然有酒, 但除咗酒之外原來仲有烏龍茶。佢用咗Rum酒同烏龍茶, 配合係相當唔錯，加埋紅棗就更加滋潤。食物方面首先介紹下👉👉Pulpo。可以見到超大嚿嘅八爪魚鬚有兩三嚿，分量相當足。配料方面用咗紅椒粉、辣紅波椒汁、Bell paper，辣度十足。鍾意食豬肉就可以試下👉👉Cochinllo。估唔到西餐廳都有脆皮乳豬可以食呀。雖然佢唔似係傳統嘅燒乳豬（或者呢仲係西式嘅乳豬？）anyway質素都相當唔錯，皮卜卜脆，點埋特製嘅醬汁就更佳。