影片
更多
2023-06-13
1060 瀏覽
前幾日我地去黃金海岸食飯🤍，可以眺望成個黃金海岸嘅海邊風景，景色非常優美。而餐廳嘅環境亦都好唔錯，非常有格調。-我選擇食博set dinner$998，呢款set dinner包含咗五款刺身、七款壽司，以及和食，份量同款式都幾多下。-首先，師傅上咗個日本靜岡溫室蕃茄作為前菜，蕃茄加上一點點鹽，成個甜味吊咗出嚟，好甘甜，另外配上水雲，酸酸甜甜好開胃。-食完開胃菜，跟住當然要開始今日嘅主角啦，首先嘅五款刺身，分別係深海池魚、油甘魚、醋漬鯖魚、煙燻餃魚以及日本真蠔。-每一款都好新鮮，而且味道同口感一層一層遞上，口感上不斷變化，非常享受。而當中特別鍾意醋漬鯖魚同日日本真蠔。醋漬鯖魚師傅會輕輕起魚皮表面燒左一下，令到魚皮收縮，口感非常獨特。而日本真蠔，上面有d酸汁啫喱，而且蠔好肥美，食落非常鮮甜。另外，煙燻餃魚都好特別，簡直係必打卡，師傅會用透明蓋裝滿晒，再慢慢打開蓋，煙霧離漫感覺好夢幻，食落好香煙燻味，好特別。-跟住落嚟輪到壽司啦，總共有七款咁多，分別係天然真鯛壽司、赤貝壽貝、白蝦壽司、梭子魚壽司、大拖羅壽司、昆布海膽壽司以及三文魚籽軍艦。除咗有我最愛嘅赤背壽司之外，天然真鯛壽司都好出色。赤貝
-
我選擇食博set dinner$998，呢款set dinner包含咗五款刺身、七款壽司，以及和食，份量同款式都幾多下。
-
首先，師傅上咗個日本靜岡溫室蕃茄作為前菜，蕃茄加上一點點鹽，成個甜味吊咗出嚟，好甘甜，另外配上水雲，酸酸甜甜好開胃。
-
食完開胃菜，跟住當然要開始今日嘅主角啦，首先嘅五款刺身，分別係深海池魚、油甘魚、醋漬鯖魚、煙燻餃魚以及日本真蠔。
-
每一款都好新鮮，而且味道同口感一層一層遞上，口感上不斷變化，非常享受。而當中特別鍾意醋漬鯖魚同日日本真蠔。醋漬鯖魚師傅會輕輕起魚皮表面燒左一下，令到魚皮收縮，口感非常獨特。而日本真蠔，上面有d酸汁啫喱，而且蠔好肥美，食落非常鮮甜。另外，煙燻餃魚都好特別，簡直係必打卡，師傅會用透明蓋裝滿晒，再慢慢打開蓋，煙霧離漫感覺好夢幻，食落好香煙燻味，好特別。
-
跟住落嚟輪到壽司啦，總共有七款咁多，分別係天然真鯛壽司、赤貝壽貝、白蝦壽司、梭子魚壽司、大拖羅壽司、昆布海膽壽司以及三文魚籽軍艦。除咗有我最愛嘅赤背壽司之外，天然真鯛壽司都好出色。赤貝壽貝好爽脆，師傅上菜之前會拍左一下，然後就會見到個赤貝收縮，郁嚟郁去，好得意。而天然真鯛壽司都超好食，經過4日熟成之後，令到味道更加濃陏，肉質口感更加出色。
-
最後，再有一個蜜柑同埋九大福作為結尾，真係回味無窮。
-
張貼
