元気寿司 (元州商場)

營業中

休息中

都有成幾個月冇食過元氣壽司，咁今晚諗唔到食咩所以就去食元氣啦。長沙灣呢間元氣星期六日真係要早啲嚟食，如果唔係七點鐘就已經有人排隊。點菜之前咁梗係要整個Wasabi豉油，一打開個Wasabi真係嚇親，好似好舊甘，Wasabi嘅顏色係深綠色，唔似一般嘅先鮮色甘，好似放咗好耐，搞到都唔係咁落咁多。另外壽司飯嘅份量比以往細咗有啲失望，刺身就一般，試咗個新嘅炙燒芝士菠菜三文魚，賣相就一般，上面有芝士菠菜同加少少粟米，加粟米就覺得有啲奇怪，食落似普通嘅炙燒三文魚，食唔出其他味道。朋友就覺得軟殼蟹手卷不錯，蟹炸得剛好，反而我覺得個炸蝦卷就幾好食，熱辣辣嘅炸蝦。