兄弟私房菜 (已搬遷) 新店位置

個日係太太生日，上網睇openrice食私房菜有乜好介紹，留意到「Zone-D Ristorante」私房菜都有幾個好評，講明要行上四樓，於是膽粗粗去試一試。上到去環境都唔錯，雖然開張只有10幾日，但對食物質素要求好高，兩個候生仔好有Heart，客人想食乜，唔想食乜都可以同老闆講，老闆盡量滿足客人口味。個晚我食羊膝，太太食鱸魚，羊膝煮得入味有咬感唔會鞋，鱸魚用新鮮魚，皮脆肉滑，300元呢個價錢算合理。最驚喜...臨時臨急老闆都可以為我老婆準備個蛋榚仔，還拿出即影即有相機，操力幫我影相留念添！