宜家家居咖啡室 (已結業)

經過幾次都無位,難得星期六未夠七點有位,點都要坐低食.其實呢度選擇不多,來來去去都係得三兩款主食.菠菜海鮮忌廉汁意粉 -- 幾多料,有石斑塊,魷魚,汁味道剛剛好,不會太濃.肉醬汁意粉 -- 肉醬粒都頗多,味道都ok,意粉很大碟.肉丸 -- 這個幾有驚喜,肉丸很淋,亦有肉丸味.蕃茄醬汁亦不會太酸,不過最令我開心的是有薯片,非常脆.開頭諗住意粉會偏硬,但今次啲意粉都幾淋,$26有意粉,飲品任添,雖然啲汽水非常甜,但咖啡都是任飲,可算是非常抵食.不過可能由於太多人幫襯,價錢又唔係貴的關係,無乜人手做嘢,成場都只係見到一個伙計係度執檯,可能呢度啲人一半都係坐係度hea成世唔走,所以唔駛請咁多人執檯.