丼丼屋 (已結業)

呢間日本餐其實都去過好幾次啦~咁岩今日唔知去邊好又再食多次~一如以往都係要等位~今次被安排坐係吧枱~感覺有點不舒服~可能因為近廚房位侍應出餐同埋對正風口位啦~不過唔緊要啦~食野最緊要開心~今日本身個人都病病地有d傷風同咳~所以就冇平時食得咁豐富~食左一個特選海鮮丼~食物水準不過不失啦~魚生都幾新鮮~講真~呢間日本餐其實係食賣相同食服務~係日本黎講刺身飯其實都幾平民化~所以價錢值唔值係睇你點睇~重點有一樣野想講就係今日遇到一樣好貼心既事情~我對呢間日本餐既服務好滿意~事緣係咁既~我咪講過我今日病病地既~病就緊係要食藥啦~不過大家都知日本餐多數都係供應茶既~我本來都諗住用茶食~點知呢個時候有個男侍應俾左杯暖水我話俾我食藥~好突然不過好驚喜~個心仲warn個杯暖水~依我記得個男仔好似係做飲品企吧枱前面既~因為去左咁多次平時好似都係佢出飲品俾我~好有印象因為果到好似得兩三個男侍應~一間好得意既餐廳~今次食野有一個好好既體驗~一定會再返去呢間餐廳~希望佢地可以繼續保持到佢地既服務水準~再凍少少可以去試下佢地個沙鍋先得~p.s. 俾個建議大家食咩呀~如果大家唔係好接受到太濕既飯千祈唔好叫滑蛋雞肉飯