影片
更多
2016-03-05
1131 瀏覽
朋友試過呢間點心店,知我鐘情於點心,就介紹左我呢黎。雖然個名叫老點點心,但又好彩冇被佢老點~食物質素真心唔錯XD門面細細,但勝在點心種類都算多。我地叫左幾樣試。咸香黑魚子燒賣$19 2隻最特別係用竹筒放,燒賣好大粒,蒸得唔錯,食落唔會太粉同林,黑魚子係主角,作點綴。高湯浸唐生菜$20平時少食菜,於是就叫左個菜balance 返菜好入味,用上湯浸,唔會淡口,份量都好夠!珍寶鮮蝦腸$26呢個係我最鐘意既,鮮蝦係原隻,夠大粒,新鮮口感彈牙。腸粉皮好滑同煙un。連埋豉油點就好夠味!灌湯餃$38灌湯餃一咬開就係餡料,連埋粉絲食,再飲湯,好之味~個湯濃度同味道都OK,唔會太稀。懷舊糯米雞$22不過不失,普通餡同糯米飯,唔算太特別。香草蝦春卷$24春卷炸得夠脆,蝦餡料夠足,成條春卷都係~即叫即炸夠熱夠脆!叫到成台都係,不過我地梗係食得晒!最後堆單除返開一人百4,都接受到。最驚喜係冇加一~
雖然個名叫老點點心,但又好彩冇被佢老點~食物質素真心唔錯XD
門面細細,但勝在點心種類都算多。
我地叫左幾樣試。
咸香黑魚子燒賣$19 2隻最特別係用竹筒放,燒賣好大粒,蒸得唔錯,食落唔會太粉同林,黑魚子係主角,作點綴。
高湯浸唐生菜$20平時少食菜,於是就叫左個菜balance 返
菜好入味,用上湯浸,唔會淡口,份量都好夠!
珍寶鮮蝦腸$26呢個係我最鐘意既,鮮蝦係原隻,夠大粒,新鮮口感彈牙。
腸粉皮好滑同煙un。連埋豉油點就好夠味!
灌湯餃$38灌湯餃一咬開就係餡料,連埋粉絲食,再飲湯,好之味~個湯濃度同味道都OK,唔會太稀。
懷舊糯米雞$22不過不失,普通餡同糯米飯,唔算太特別。
香草蝦春卷$24春卷炸得夠脆,蝦餡料夠足,成條春卷都係~
即叫即炸夠熱夠脆!
叫到成台都係,不過我地梗係食得晒!
最後堆單除返開一人百4,都接受到。最驚喜係冇加一~
張貼
