熨烤達人 (已結業)

相約友人鑽石山食飯，韓燒最正！爐邊加入蛋汁，可以放左芝士同泡菜入去。而前菜有無限任添既青瓜同茄子！除了韓式豆瓣醬，仲有燒肉汁，分別沾豬同牛，非常好味，令肉味昇華 正👍🏻磚頭五花肉🐷厚厚嘅五花肉有專人幫我地燒，佢地好細心咁幫剪到一塊塊，呢到嘅賣點就係用一個好似熨斗形狀嘅鐵板壓住，令五花肉更加快熟 可能因為受壓嘅關係，五花肉上面嘅油脂都會流曬出黎，食落就唔會有油膩嘅感覺，加埋醬汁，味道更佳😋韓牛炭燒半熟🐮呢個韓式半熟牛絕，咬落去食到牛刺身既新鮮，而質感完全唔會覺得有種食生牛肉既口感。配埋洋蔥同個醬，簡直將牛味提昇到另一個層次，好鬼正！黑松露明太子蛋卷🧀🍳蛋卷上面有黑松露醬同明太子，黑松露味道濃郁，配埋明太子就有清新感覺！中間有芝士流出黎，有拉絲效果🤤自暴自棄速食麵🧀🍜一出場已經夠晒搶鏡，用一架玩具鐵皮貨車盛載住，玩味十足，呃👍🏻 精選。有大大隻太陽蛋蓋著芝士麵，感覺非常邪惡，而每一條麵都掛滿晒芝士同蛋黃，芝士味濃芝士控必食！勁正👍🏻👍🏻芝士焗雜菌🧀裏面有4-5種菇菌，上面佈滿芝士，又係有拉絲效果！飛魚籽沙律🥗青瓜🥒、飛魚籽、同蟹柳，呢個清新嘅組合一向都係不死嘅配答，加上千島醬汁，味道更鮮！