影片
更多
2019-10-01
1103 瀏覽
成日都會係晏晝經過呢間舖頭，見佢烏燈黑火以為執笠多時。有日夜晚忽然想出街食，臨時臨急仲訂到位， 見過地址竟然係嗰間日本舖， 所以即管去試試， 結果…… 難怪佢淨係做萬事都已經夠。舖頭唔算大， 一般小舖嘅裝修， 我哋夠食得早， 肥仔老公坐落都唔覺得迫夾。 我哋要咗個二人餐， 有沙律，刺身， 炸蠔，羊架，烏冬，另外再叫咗個野菜牛肉鍋。沙律先到， 落咗我平時最憎食嘅牛油果， 不過唔知佢點處理，竟然一啲怪味都冇，口感做好好， 第一次覺得牛油果唔難食。跟住上刺身，都幾新鮮， 合格以上但唔算出采。跟住就上個牛肉鍋， 一上嚟就見到個湯，濃到好似汁咁， 擔心佢會唔會好濃味，傑撻撻。估唔到滾起之後，計算埋啲蔬菜會出水，味道剛剛好，牛肉份量唔少，味道簡直 一流。跟住上炸蠔，外脆內軟，加埋個檸檬汁，食落去好清新，一啲都唔覺得油膩。之後上羊架，我平時麻麻地羊，覺得騷，只係食咗一嚿， 老公鍾意食羊架多啲，話好耐都冇食過一間嘅羊扒係唔柴唔韌， 覺得好好食。食食下一個野菜烏冬就整好上枱，一人一碗， 呢個先係全晚嘅驚喜。 望落去， 真係雜菌野菜烏冬， 咩菜都有啲，連韮菜都有。 飲一啖湯底，嘩！ 清淡得嚟唔淡，食得到啲
舖頭唔算大， 一般小舖嘅裝修， 我哋夠食得早， 肥仔老公坐落都唔覺得迫夾。 我哋要咗個二人餐， 有沙律，刺身， 炸蠔，羊架，烏冬，另外再叫咗個野菜牛肉鍋。
沙律先到， 落咗我平時最憎食嘅牛油果， 不過唔知佢點處理，竟然一啲怪味都冇，口感做好好， 第一次覺得牛油果唔難食。
跟住上刺身，都幾新鮮， 合格以上但唔算出采。跟住就上個牛肉鍋， 一上嚟就見到個湯，濃到好似汁咁， 擔心佢會唔會好濃味，傑撻撻。
估唔到滾起之後，計算埋啲蔬菜會出水，味道剛剛好，牛肉份量唔少，味道簡直 一流。
跟住上炸蠔，外脆內軟，加埋個檸檬汁，食落去好清新，一啲都唔覺得油膩。
之後上羊架，我平時麻麻地羊，覺得騷，只係食咗一嚿， 老公鍾意食羊架多啲，話好耐都冇食過一間嘅羊扒係唔柴唔韌， 覺得好好食。
食食下一個野菜烏冬就整好上枱，一人一碗， 呢個先係全晚嘅驚喜。 望落去， 真係雜菌野菜烏冬， 咩菜都有啲，連韮菜都有。
飲一啖湯底，嘩！ 清淡得嚟唔淡，食得到啲蔬菜嘅清甜味， 有層次得嚟唔會打交，真係好夾。夾住烏冬同湯一齊食，感動！ 好耐都冇食過啲烏冬煙韌得嚟唔酸！ 配埋其他材料同湯底， 本來已經飽飽哋想放棄，都忍唔住要食曬佢。
到咗食飯時間，間鋪坐滿人，有情侶又有一家大細同個姐姐， 仲不停有速遞員過嚟接單送外賣。 呢間嘢啲出品實在太出色，所以淨係做晚市都夠，就連我哋個跟餐甜品，都係甜而不膩，凍而不硬，唔怪得咁多人幫襯！
張貼
