茶餐廳2.0 (已結業)

愉景新城有好多新餐廳進駐，住係附近既我表示很開心😃。今次去左食茶餐廳2.0，雖然叫做茶餐廳，但入面勁多選擇，連A4和牛都有。餐牌好多選擇，有小菜套餐，鐵板燒，去到素食系列都有，照顧到大眾不同需要，仲有好多甜品🍮。石燒A4日本和牛片和牛質素估唔到有驚喜，睇個賣相已經知唔錯。雪花紋理清晰，肉嫩，充滿住油脂香，仲有得自己燒，火喉可以自己控制，牛肉控必點！菜膽雞小菜套餐雞肉皮爽肉滑，唔會有雪味，份量十足，而且雞肉位置全部係啖啖肉位，好正。甜品心太軟配雪糕即叫即整，有心思，心太軟甜度適中，有流心效果，配雪糕一凍一熱超夾。