2DP (已結業)

新派素食🤩之前食過一次2DP，當時覺得比較淡味，今次再試有驚喜！ 《忌廉牛肝菌碎肉素闊條麵》好creamy，好多肉碎。一上台已經有好香既菌味，食落啖啖都係汁包住每一條麵，完全唔dry，好足料，必試！ 《經典Impossible素牛漢堡》 成個burger都好巨型好足料，唔鐘意食素既朋友都表示好味，塊素肉有肉既質感，但無肉既騷味同油膩感，推介！《荔枝西柚烏龍》少甜少冰左之後都唔淡味，不過荔枝味就少左啲。 《泰式奶茶刨冰》試左個新品泰式奶茶刨冰，質感好得意，有好重既茶味，還原度幾高，夏天食最啱。 總括黎講，主打素食的話款式都好多，質素幾好，好多都仿似真肉一樣。