頑石燒肉所 (已結業)

喺日本返嚟幾日 仲未接受到現實🥹好掛住日本嘅肉肉 尋日約咗朋友去西環食飯 搵餐廳嘅期間 我都係要偏向日系同肉肉去選擇🇯🇵頑石燒肉所係日式石燒和牛專門店 裝修充滿日本氛圍 播住日文歌 氣氛勁好 而且主打A4黑毛和牛🐂價錢仲好親民▪️A4黑毛和牛西冷薄片賣相靚仔 油脂均勻🐂一份有6片 石燒爐好夠熱 所以和牛薄片唔洗燒好耐就食得 一邊燒啲香氣就湧出嚟🤤入口溶化 好有驚喜 ▫️A4黑毛和牛吉列牛吉列牛就比平時食嘅厚身 所以要燒耐少少🔥呢款牛相對瘦啲 但係食起上嚟肉質都好軟稔 食完肉記得燒埋伴碟嘅蔬菜 有茄子/翠玉瓜等等🍆我哋都升級咗做套餐 有埋沙律/飲品同飯🍚要食就食最好 揀咗月見蛋紫菜飯 勁滿足 另外個湯都好足料 入面有蜆架🤗▪️雞皮餃子▫️吉列蠔小食勁抵食 $3x就有一份😱雞皮餃子大推 先係外層嘅脆 咬落去仲有雞皮嘅煙韌 而且饀料都好飽滿 吉列蠔一樣外脆內嫩 最緊要係一啲腥味都無架🦪飲品都好多選擇 日本富士山特飲係必點🗻其實係乳酸梳打 加咗雪泡喺面頭 好靚💕另外仲有清酒梅酒飲架🍶