今次任食海鮮火鍋加刺身其實唔貴，因為海鮮係堅足料，聖子王、鮑魚、虎蝦、大貴妃蚌，新鮮程度媲美海鮮店。講起海鮮，小妹首推當然係鮑魚龍蝦啦。老實說，肯俾鮑魚做生料嘅火鍋店五隻手指都數得完，因為鮑魚成本高、同埋如果唔新鮮，口感分別極大，哩間火鍋店揀選嘅鮮飽都彈牙十足，足見其新鮮程度。
海鮮盆中最觸目相信非龍蝦莫屬！老老實實，出街市買盆海鮮返屋企食都無哩度咁抵。事關，波士頓龍蝦份量大，再加加埋埋新鮮鮑魚（仲識郁）其實已經值回票價，再講，佢蟶子王同翡翠螺，齋食海鮮都會飽！何況仲有生料放題呢！
輪生料，小妹推介手切肥牛，脂肪肉質分佈平均，實係上等靚肉。擺落湯底烚返兩三分鐘已經鮮味十足！正！
1
