SURPRiZE U (已結業)

今日行完T.O.P, 順道逛下旺角中心, 見到人頭湧湧, 原來係surprize.u 旺角新開實體店, 呢度地點方便又幾易搵, 好多人都排隊買 星球蛋糕, 我都唔執輸買番個先！星球蛋糕 有金、木、水、火、土, 唔同顏色我就揀左個火星橙色, 人氣潮物好夢幻, 啱曬打卡。surprise u顧名思義要畀驚喜你, 圓形星球外殼係低糖朱古力製造, 打碎之後就會發現入面係戚風蛋糕加上oreo餅加鮮忌廉, 鋪上oreo餅碎碎, 鮮忌廉幼滑細緻配合減油戚風蛋糕, 口感軟熟輕盈好健康, 食多幾個都唔會感到有壓力！