三上日本料理 (已搬遷) 新店位置

朋友仔話食日本野做節喎，係附近搵左三上黎食，哈哈！好，入去坐底睇下有咩好食先。肉鬆蟹籽沙律，我本身唔食青瓜，因為好怕陣青草味，呢個沙律好好，冇草青味，而且醬汁調到啱啱好。壽司盛，有18件，抵食夠新鮮，劍魚腩好有脂肪口感。鹽燒大海蝦，大大隻蝦燒得好香，個殼頂燒到脆卜卜，蝦肉食落好有咬口。燒牛肉拉麵，肥牛夠肥，拉麵爽口，唔錯。鐵板和風豆腐扒，呢個豆腐，外皮炸脆，然後再上鐵板，做到外脆內軟，少少似臭豆腐既口感，不過唔臭。飲品叫左金橘檸檬和柚子蜜。