全盛燒臘茶餐廳 (已結業)

今日無無聊聊又去九龍城揾下食，行過衙前塱道見到間燒臘店好多人買燒味返企加料，見時間尚早仲未到食飯時間，餐廳唔算好多人，就決定今日晚餐食燒味飯。餐廳名叫全盛燒臘茶餐廳，招牌夠哂大，行過一定留意到。在門口看餐牌既時候仲見到蔡瀾都幫襯過見到充滿光澤既燒味真的好吸引當時大約6點，還未到用餐繁忙時間，人並不多。除了燒味，另外亦有常餐，碟頭飯一些茶餐廳必備既食物。見到咁多主婦買燒味，我當然好想試下到底有多好味我點了一個叉燒油雞飯$45，本來有例湯送，可惜老闆話售罄，生意真好最後加$6 要個熱奶茶等左差不多十分鐘飯先有得食，因為實在太多人買燒味外賣。飯一上枱，令我驚訝餐廳擺盤有下過心機薑蓉用小碟另放，唔會導致飯吸左油同過咸。再試一件叉燒，半肥瘦叉燒配上不多不少既燒烤時間，又入味又稔！外面有好多燒味店會overcooked,導致叉燒又硬又乾。一件叉燒令我終於明點解咁多人排隊斬料油雞方面不過不失，但無雪藏味，肯定用新鮮雞製造！而且份量夠多，男人都一定食得飽飽是日埋單才$51 ，以呢個水準燒味嚟講簡直超值！而且老闆好有禮貌，完全唔似置身「麻甩」的茶餐廳！相信全盛會成為我的新飯堂