禮 (已結業)

同老公行開太子個頭咁岩見到有一間試業中嘅日式餐廳鍾意食日本嘢嘅我當然唔會錯過啦，所以我地就入咗去食lunch 。呢間餐廳中午有啲lunch set食我哋叫咗一個生薑豚肉丼同網燒牛仔骨定食，估唔到佢個lunch set原來包括埋前菜，沙律，麵豉湯，茶碗蒸，季節刺身同埋生果添。首先講吓個生薑豚肉丼，豚肉肥瘦適中食落口感軟熟，入面加埋左一啲洋蔥同菇，減低油膩感加埋啲飯同醬汁食非常開胃。另外個網燒牛仔骨定食，肉質嫩滑另外點埋沙律醬食口感更為提升。呢個定食係跟埋左一個烏冬，烏冬入口順滑配埋個湯底甜甜地非常好食。