更多
2017-06-09
740 瀏覽
驚喜！色香味俱全，令人精神為了一振。陪鬼馬有heart朋友去訂散水餅，佢真的做左好多research, 最後決定去尖沙咀試味再落訂。真係估佢唔到尖沙咀一個咁唔起眼的商場有間有heart糕餅店。一二樓都係吉舖、古董店、細小的美容院。冷清陰沉的商場突然有間燈火通明，門面光鮮的舖，得一個學生妹妹看舖，舖細細，但都有十幾款cake, coffee, 花茶可外賣。因為呢間舖本身係做蛋糕裝飾起家，店內陳列多種糖珠及其他專業蛋糕裝飾，大開眼界，佢並唔係餐廳或cafe, 基本上係無位坐。店員妹妹見我等朋友而企左好耐，開左張細檯俾我坐先有"堂食"朋友target的港式茶餐廳口味cupcake好特別，有好立克味，紅豆冰味，檸茶味等等，熱飲味cupcake用咖啡杯卡紙裝飾，凍飲味就有支迷你飲管仔。相當有心思，蛋糕裝飾專家果然寧舍不同。第二驚喜係cupcake味道相當好，真係高質過婚禮食個d好多。蛋糕上的cream唔係得個甜字，係好有層次感，好立克cream上有好立克粉同一粒好立克糖，先是質感再有香氣，cream甜而不膩，連個蛋糕本身的味道都好好。食得出佢放左茶葉或檸皮。唔似出面普通cupcake上面crea
陪鬼馬有heart朋友去訂散水餅，佢真的做左好多research, 最後決定去尖沙咀試味再落訂。
真係估佢唔到尖沙咀一個咁唔起眼的商場有間有heart糕餅店。一二樓都係吉舖、古董店、細小的美容院。冷清陰沉的商場突然有間燈火通明，門面光鮮的舖，得一個學生妹妹看舖，舖細細，但都有十幾款cake, coffee, 花茶可外賣。
因為呢間舖本身係做蛋糕裝飾起家，店內陳列多種糖珠及其他專業蛋糕裝飾，大開眼界，佢並唔係餐廳或cafe, 基本上係無位坐。店員妹妹見我等朋友而企左好耐，開左張細檯俾我坐先有"堂食"
朋友target的港式茶餐廳口味cupcake好特別，有好立克味，紅豆冰味，檸茶味等等，熱飲味cupcake用咖啡杯卡紙裝飾，凍飲味就有支迷你飲管仔。相當有心思，蛋糕裝飾專家果然寧舍不同。
第二驚喜係cupcake味道相當好，真係高質過婚禮食個d好多。蛋糕上的cream唔係得個甜字，係好有層次感，好立克cream上有好立克粉同一粒好立克糖，先是質感再有香氣，cream甜而不膩，連個蛋糕本身的味道都好好。食得出佢放左茶葉或檸皮。唔似出面普通cupcake上面cream就靚，個cake就又硬又乾。
咖啡好香，我飲的花茶的香氣都相當特別，我真係未飲過咁多個herb混埋的花茶，見到有d圓頭菊花，好靚好可愛，賞心悦目，連個茶包袋都是半透明布袋，我特登咬下，真係唔會爛，即刻映底個牌子，第時送禮自用開cafe都可諗諗佢。
"堂食"期間仲有兩個富貴靚太熟客特登來買cake, 佢一買就兩三個磅蛋糕。舖頭除左港式茶餐廳口味仲有好多花果香系列的磅蛋糕。我不嬲唔係好食磅蛋糕，覺得好硬好實，但見到呢度有試食，一試難忘，玫瑰同檸檬都好好味，飾面都好靚，好多花瓣，又好香，真係送禮唔失禮。
我最後買左檸檬磅蛋糕去請老師同學食，佢地都好鐘意食。個磅蛋糕仲好抵60幾70蚊，cupcake因為逐個整手工貴要成28蚊一個。(朋友真係好錫佢d同事)
我朋友訂十幾件自取。
好似訂貨1000以上包送，1000以下加運費。但我聽得唔係好清楚。
我下次經過尖咀都會去買磅蛋糕做生日蛋糕。
張貼
