影片
更多
2014-11-05
3311 瀏覽
教跳阿根廷探戈o既KP老師相約聚餐，原本係想介紹學生及好友們食士美菲路市政大廈街市熟食中心內最出名o既清湯腩，點知晚上七時半前，該店已經賣哂清湯腩，我地唯有喺中心度另覓美食。喺熟食中心食野其實就好似喺商場food court咁，只要有位坐，就可於不同食檔購買食物，唯一規限係要即時找數。我地五個人為舒服方便起見，就隨便揀咗間有大枱o既「煮廚」。對於居灣仔o既小肥黎講，士美菲路市政大廈街市熟食中心地點真係有啲隔涉，因為地鐡唔到，的士估計都要成舊水，如果搭電車，車程亦較遠及需時；當日選擇咗乘坐巴士，結果塞咗成個鐘先到。熟食中心內座位大多為接枱接櫈，被食肆包圍，集中於大堂中央，雖然人多有啲嘈吵，但感覺好街坊。屬「煮廚」o既餐桌都有枱布，亦有滾水沖洗餐具，都算講求衛生。「煮廚」o既伙計好熱情，不斷遊說食客入座幫襯，推介食店招牌菜式。其老闆亦毫無架子，粗重功夫全部都會落手落腳自己做，就算我地喺其他食檔叫食物，佢都冇黑面，就連老師要求一杯滾熱辣o既熱水黎沖藥粉，佢攞上枱時都好細心地叫小心燙，比起某啲所謂高級食肆o既服務生更為親切體貼。大家隨心所欲，想食乜就叫乜。窩貼小唐菜（墨魚餅）（$88）：第一味
對於居灣仔o既小肥黎講，士美菲路市政大廈街市熟食中心地點真係有啲隔涉，因為地鐡唔到，的士估計都要成舊水，如果搭電車，車程亦較遠及需時；當日選擇咗乘坐巴士，結果塞咗成個鐘先到。熟食中心內座位大多為接枱接櫈，被食肆包圍，集中於大堂中央，雖然人多有啲嘈吵，但感覺好街坊。屬「煮廚」o既餐桌都有枱布，亦有滾水沖洗餐具，都算講求衛生。「煮廚」o既伙計好熱情，不斷遊說食客入座幫襯，推介食店招牌菜式。其老闆亦毫無架子，粗重功夫全部都會落手落腳自己做，就算我地喺其他食檔叫食物，佢都冇黑面，就連老師要求一杯滾熱辣o既熱水黎沖藥粉，佢攞上枱時都好細心地叫小心燙，比起某啲所謂高級食肆o既服務生更為親切體貼。
大家隨心所欲，想食乜就叫乜。
窩貼小唐菜（墨魚餅）（$88）：第一味先試食「煮廚」伙計重點推介之窩貼小唐菜墨魚餅。墨魚餅外貌雖然並不吸引，但果真美味非常！其窩貼皮層香脆無比，乾身且唔油膩，皮下o既小唐菜墨魚餡更加係熱力十足，爽脆彈牙，超掂！
鹹魚生啫芥蘭煲（$60）：翠綠o既芥蘭用煲上，好夠熱。芥蘭用鹹魚炒製，質感爽脆，野味得黎唔會過濃，而且一啲渣都冇，好食得有點兒意外。
蒜蓉粉絲蒸中蝦（$88）：反而依味粉絲蒸中蝦就有啲失望啦，因為蒸咗好耐先有得食，黎到蝦身又老又嚡，不吃也吧！
胡椒豬肚鹹菜湯（$68）：胡椒豬肚湯尚算足料味濃，豬肚又冇「押」味，不過如果可以加多少少胡椒，效果應更佳。
煮廚小炒皇（$78）：小炒皇新鮮熱辣，好夠鑊氣。嫩脆o既韭菜花，配上爽口o既蝦仁及野味o既蝦乾，簡單美味。
士美菲路市政大廈街市熟食中心地點偏遠，環境亦較簡陋，估計主要做區內街坊生意。今次真係感激KP老師介紹，得知中心內原來藏有驚喜小炒食肆「煮廚」，不但菜式香口野味，鑊氣充沛，價錢合理，老闆伙計更同為落力及友善好客之人，唔怪得知店內坐滿客人，絕對值得推介。張貼
